Igbal's blog

Son türk sultanlarının, həm də Mustafa Kamal Atatürkün diş həkimi olan yəhudi əsilli Gunzberg'in tövsiyəsi ilə Eynşteyn 17 sentyabr, 1933-cü ildə Atatürkə məktub yazır. Məqsəd yəhudi alimlərin və elm adamlarının Almaniyada güclənən nasizm represyasından xilas etmək idi. Protokol gərəyi, məktub həmin dövrün baş naziri İsmət İnönüyə ünvanlanır. Ondan, yəhudi alimlərin fəaliyyətlərini Türkiyədə davam etdirmələri üçün şərait yaratmağı rica olunur. İ. İnönü əməkhaqqı tələbinin yüksək olduğunu əsas gətirərək məktuba “imtina” dərkənarı yazır (şəkildə görünür). Məktubla bağlı məlumat Atatürk’ə çatanda hər şey dəyişir. O, yəhudi alimlərinin ölkəyə gəlməsinə, hətta bəziləri üçün xüsusi dəvət göndərilməsinə icazə verir. Eynişteynin həmin məktubu (həm də Atatürkün təşəbbüsü) türk təhsil sisteminə əvəzsiz töhfə verir. Həmin dövrdə Türkiyəyə gələn yəhudi alimlər 50-ci illərin sonuna qədər türk təhsil sisteminin yenilənməsinə, müasir universitetlərin formalaşmasına, xüsusilə, ölkədə tibbi təhsi...

İtaliyanın “Mextex” şirkəti üzgüçülər üçün “LZR racer” geyimini yaratmışdı.  Bu geyimin özəlliyi ondan ibarət idi ki, onun dizaynında NASA-nın külək tunel testi avadanlıqları və maye axını analizi üçün proqram təminatından istifadə edilmişdi. Nano-texnologiyalarla hazırlanan “LZR racer” geyiminin dizaynı köpək balığının dərisindən götürülmüşdü (böyüdülmüş görünüş şəkildə). Belə dizayn idmançının əzələlərinə oksigen axınını sürətləndirir, bədənin dinamikliyini artırır. Ən maraqlısı isə, Pekin Olimpiadasında həmin geyimdən istifadə edən idmançıların 94%-i qalib gəlmişdi. 2009-cu ilin avqustuna qədər üzgüçülük üzrə 93 dünya rekordu bu geyimdən istifadə edən idmançılar tərəfindən qırılmışdı. 2010-cu ildən Beynəlxalq Üzgüçülük Federasiyası yarışlarda bu formada nano-tekstil məhsulu olan geyimlərdən istifadəni qadağan etdi.  Bir sözlə, əsr texnologiya əsridir, özü də NANO texnologiya. Tefal şirkətinin qazanlarından, nano-salfetkaya, çirklənməyən geyimə qədər hər sahədə nano...